Paroler:

• Forsvar folkeretten
• Israel: Stopp folkemordet
• Stans massedrap av kvinner og barn
• Sei opp baseavtalen
• Vi støtter det iranske folkets rett til å bestemme selv

Pressemelding i forbindelse med demonstrasjonen

USA OG ISRAEL :  STANS KRIGEN I MIDTØSTEN

Lørdag som kjem blir det demonstrasjon på Torget i Stavanger, mot krigen som USA og Israel starta med bombinga av Iran 28. februar 2026.

Ingen veit korfor USA og Israel starta krigen, Trump har gitt fleire og delvis motstridande forklaringar. Konsekvensane er alvorlege. Det blir meldt at til no er 3000 drepne i Iran, nær 1000 i Libanon, og i tillegg døde både i Israel og blant US-amerikanske soldatar. Oljeanlegg er ramma. Lufta i Teheran er forgifta, med alvorlege konsekvensar for helsa til folk. Nabolanda er ramma når Iran har slått tilbake mot USAs basar og anlegg. Skolar og tettbefolka område i Iran er bomba. I store delar av Sør-Libanon blir befolkninga drivne på flukt. Samtidig held Israels folkemord på palestinarane fram.

Det blir sagt at bombinga skal styrta regimet i Iran og slik hjelpa folket til å bli fritt. Men bombinga har gjort det endå farlegare å vera opposisjonell i Iran. Bare Irans eiga befolkning kan bestemma landets styre. Me veit kor katastrofalt det gjekk då USA invaderte Afghanistan, Irak og Libya — skal dei gjenta «suksessen» i Iran?

Det blir sagt at bombinga skal hindra Iran i å utvikla atomvåpen. Iran har ikkje atomvåpen, og heldt på å forhandla med USA om ein avtale om fredeleg bruk av atomenergi. Trump starta bombinga då meklarstaten Oman meldte at avtalen var så godt som klar. Israel har atomvåpen, og nektar inspeksjonar. Korfor skal USA og Israel ha rett til å terrorisera dei dei vil?

USA og Israel starta uprovosert angrep på Iran. Den norske regjeringa har slått fast: eit klart brot på folkeretten.

Det er lett å starta ein krig. Det er mye vanskelegare å avslutta den. Denne krigen har ført til at Hormuz-stredet er stengt, oljeforsyninga fell dramatisk, verdsøkonomien kan bli styrta ut i ei djup krise. Skadane, spesielt på folk og samfunn i Iran, og i nabolanda, blir ufattelege og vil ta lang tid å lindra. Krigen må stansast — USA og Israel må stansa bombinga!

Leiv Olsen (tlf. 948 29 008)

leolsen@online.no

På vegne av initiativtakarane: Rødt Stavanger; SV, Internasjonal Kvinneliga for Fred og Frihet, Stopp NATO, Palestinakomiteen i Stavanger; Kvinnegruppa Ottar, Muslimsk Fellesråd Rogaland.